Sehat Alami ring Masan Pandemi Majalaran antuk Yoga

Liputan6.com, Jakarta - Sarira manusa madué kepradnyanan soang-soang, silih tunggil ngwangun sistem kekebalan mandiri. Nanging akéh sang sané madué sarira nénten ikun, nénten kayun nyaga tur ngelatih sané becik. Pola ngajeng, galah istirahat, miwah gerak tubuh sané nénten teratur dados penyumbang kekacauan ring sistem alami punika.

Dadosnyané rikala sungkan, ngajeng ubad sané malakar saking bahan kimia pinaka solusi. Napiké kari kayun niténin kebiasaan sané iwang? Stop kebiasaan sané lami, sampun galahné nulakang sarira sané sehat alami majalaran antuk latian yoga.

Putu Dwijendra pinaka praktisi miwah pelatih yoga asli Bali, ngujarang yéning imun system pinaka kuncinyané. Napi ja sané ada di sisin sarira nénten lakar ngrabéda yéning imun sarirané sampun kawangun utawi mabentuk.

Tugas manusa tuah ngelatih sarira apang prasida nyaga awak pedidi, sané ngranayang prasida nyaga tur ngwangun imun punika.

“Yoga pinaka pasaurnyané miwah ring saluir sehnyané madué arti tur kawigunannyané” ujar ipun ring Bali, Rabu (20/06/2021)

* Untuk mengetahui kebenaran informasi yang beredar, silakan WhatsApp ke nomor 0811 9787 670 hanya dengan ketik kata kunci yang diinginkan.

Simak Video Pilihan Ini:

Seru, Prosotan Kekinian Ala Siswa SMA Negeri 1 Sigaluh Banjarnegara

2 dari 3 halaman

Gerakan

Rikala ngelaksanayang yoga iraga pacang leket ring makudang seh utawi gerakan minakadi twist (mapiteh), stretch (janteng), back bend (nglingkuh ka duri), forward bend (nglingkuh ka mukak) miwah inversion (posisi mabading, sirah di betén batis di baduur). Seh-seh punika pacang nulungin sarira ngogag ruang anggé oksigen ka tengah awak utawi sarira.

Khusus gerakan inversion maguna makta darah segar utawi haemoglobin sané akéh madaging oksigen ka otak. Ring yoga iraga pacang uning istilah Pranayama. Ring basa Sanskerta,

“Prana” maarti energi miwah “Ayama” maarti perpanjangan. Pranayama inggih punika latian anggén perpanjangan energi.

Proses puniki sané pacang nulungin awak utawi sarira nyelepang oksigen tur menyeimbangkan kadar CO2 ring darah. Yéning kondisi oksigen miwah CO2 becik tur berimbang ring darah, pacang becik taler pembentukan system imun ring sarira manusané.

Putu Dwijendra ngujarang tigang kawigunan utama yoga, inggih punika renew, sel-sel ring sarira pacang terperbaharui rikala iraga ngelaksanayang Yoga. Selanturnyané recharge, proses ngisi ulang sané ada rikalaning wénten proses pernafasan.

Selanturnyané refresh, sasampuné yoga sarira utawi awak nénten kenyel, nanging pacang seger sangkaning sel sané anyar mabentuk punika taler energi pacang kadagingin malih.

3 dari 3 halaman

Buin Pidan Imun kabentuk sasampuné Yoga?

Ring yoga, sekancan pose (gerakan) kalaksanayang antuk kesadaran sané penuh miwah terkoneksi sareng napas. Nénten wénten pemaksaan ring sarira sané karegangang antuk cara sané berlebihan, nanging makejang kaanutang malih sareng kemampuan. Puniki sané ngawinang meregang secara alami.

Koneksi ring soang-soang gerakan punika kabaos “Prana” utawi energi. Energi sané becik pacang ngewantu sarira ngardi imun sané becik. Nah, rikala imun sarirané becik iraga prasida terlindung saking sekancan kondisi rumasuk masan pandemi sekadi mangkin.

Kudang galah sané kaperluang ring soang-soang jadma rikala ngabentuk imun sarirané antuk yoga?Rikala mligbagang poin puniki Putu Dwijendra makenyem, mirib ipun sai nanggenin sisya sané ngedotang hasil instan nanging nénten kayun mautsaha antuk proses.

“Pastika nénten wénten sané instan, samian mabuat waktu utawi galah, asapunika taler sarira iraga. Kabuatang disiplin miwah konsistensi diri.”

Sué prosesnyané magantungan ring kondisi soang-soang individu. Ring masan awal ngelaksanayang yoga, sarira ngawit bertransformasi, alikannyané banban, alapis creceh alapis.

Embad galah ngawit 3 nganti 6 bulan alikannyané sampun ngawit karasayang.Sujatine ngangobin pisan sarira sané kakardinin olih Tuhan puniki.

Ngiring iraga ngaleketang malih. Silih tunggilnyané majalaran antuk yoga.

Ramai-ramai Yoga di Landasan Pacu Bandara Thailand