Sukses

dr Reisa Sabuik Hoaks Jadi Tantangan Utama Manyukseskan Vaksinasi Covid-19

Liputan6.com, Palembang - Juru bicara pemerintah untuk pananganan Covid-19, dr Reisa Brotoasmoro mangecek, hoaks atau berita duto jadi tantangan utama yang dihadapi masyarakat waktu ka vaksinasi.

“Sabananyo, kalau kito ngecek tantangan soal vaksin, banyak bana tantangannyo. Tapi jikok tantangan utamanyo itu, adonyo dari masyarakat. Karano nan paliang acok kito hadapi kini adalah kaba duto terkait vaksin,” kecek dr Reisa dikutip dari Antara, Selasa (28/7/2021).

Sajak awal pandemi, kecek Reisa, lah basobok labiah dari limo ribu hoaks waktu kegiatan vaksinasi Covid-19 nan dibuek jo pemerintah.

Dek karano itu, Reisa maimbau ka masyarakat untuak indak takicuah dan tapangaruah untuak maagiah kaba ataupun menyebarkan kaba nan alun tantu batua, kalau kecek urang kini 'kaba hoaks'

"Kito harus tau dulu, sabalun menyebarkan kaba berita, kito harus tahu baa ciri-ciri berita ini hoaks atau indak. Biasonyo berita yang ditarimo jikok sifatnyo bantuaknyo salah, biasonyo dibuek 'lebay' mode tu. Bombastis dan indak ado rujukan resminyo atau sumber yang valid," keceknyo.

Reisa juga maajak dun sanak agar bisa mamiliah dan manyariang informasi yang beredar di media sosial. Inyo mancontoan, jikok amuah tau bana informasi valid terkait vaksin Covid-19, masyarakat biso dengan mudah mengakses situs resmi dari pemerintah dan media nan dipicayo.

"Langsuang ce masuakkan sajo kato kuncinyo terkait vaksin, a ce pertanyaannyo beko akan kalua rujukan-rujukan beritanyo, apo itu tamasuak hoaks atau indaknyo," kecek dr Reisa.

 

** #IngekPasanBundo

Pakai Masker, Cuci Tangan Pakai Sabun, Jago Jarak dan Hindari Karumunan.

Selalu Jago Kesehatan, Jan Sampai Tatular dan Jago Dun Sanak Kito.

#sudahdivaksintetap3m #vaksinmelindungikitasemua

Liek Video Pilihan Iko nyo :

2 dari 2 halaman

Tentang Cek Fakta Liputan6.com

Malawan hoaks samo ajo malawan pambodohan. Itu nan mandasari kami mambuek Kanal Cek Fakta Liputan6.com pada 2018. Dan sampai kini juo aktif maagiah literasi media ka masyarakat luas.

Sajak 2 Juli 2018, Cek Fakta Liputan6.com bagabuang dalam International Fact Checking Network (IFCN) dan manjadi patner Facebook. Kami juo bagian dari inisiatif cekfakta.com. Karajo samo jo banyak pihak, indak akan mampangaruhi independensi kami.

Jikok awaktu punyo informasi tentang hoaks yang nio kami talusuri dan verifikasi, bisa juo manyampaikan ka email cekfakta.liputan6@kly.id.

Amuah labiah capek dapek jawabannyo? Hubungi ajo Chatbot WhatsApp Liputan6 Cek Fakta di 0811-9787-670 atau klik tautan iko.